Европскиот парламент со убедливо мнозинство ја одби иницијативата за недоверба на Европската комисија, предложена од романскиот европратеник Георге Пипереа.
Пратениците гласаа вака: 175 беа „за“, 360 „против“, а 18 се воздржаа. За да се прифати иницијативата, потребна беше поддршка од најмалку две третини од присутните европратеници, а истовремено нивниот број да биде над половина од вкупниот број на Европскиот парламент.
Дебатата по предлогот се одржа во понеделник. Во текот на дискусијата, Пипереа ја обвини Европската комисија за недостаток на транспарентност, игнорирање на принципите на правдата, избегнување отворена дебата и заобиколување на одлуките на Европскиот парламент.
© Vecer.mk, правата за текстот се на редакцијата
