Возач од Гостивар вчера вечер прегазил мечка на автопатот Скопје-Тетово, а животното починало од силината на ударот, соопшти Министерството за внатрешни работи.
„На 23 октомври 2026 година околу 22:15 часот во СВР Скопје било пријавено дека автомобил „Волво“ со гостиварски регистарски ознаки, управуван од 36-годишниот Џ.Д. од Гостивар, удрил во диво животно – мечка. На местото на настанот бил повикан ветеринар од Зоолошката градина во Скопје, кој констатирал дека животното е угинато“ соопшти МВР.
Увид на местото на несреќата извршила увидна екипа на СВР Скопје. Засега не се соопштени дополнителни информации за околностите под кои мечката се нашла на автопатот.
© Vecer.mk, правата за текстот се на редакцијата
