Американскиот претседател Доналд Трамп потпиша извршна наредба за воспоставување стратешка резерва на биткоин и други дигитални средства. Резервите ќе бидат капитализирани со биткоини запленети од владата како дел од кривична или граѓанска постапка за одземање имот, се наведува во наредбата. Министерството за финансии на САД ќе формира канцеларија за управување со овие резерви.
Во наредбата се наведува дека Биткоинот е „оригиналната криптовалута“ и дека има фиксна понуда од неа на пазарот, така што нациите кои создаваат стратешка резерва на Биткоин имаат стратешка предност.
Наредбата, исто така, наложува создавање на залиха на други дигитални средства, а Трамп претходно објави на социјалните мрежи дека покрај биткоинот, тие ќе вклучуваат и Ethereum, Ripple, Solana и Cardano.
Инвеститорот Дејвид Сакс, кој беше задолжен од Трамп да се грижи за вештачката интелигенција и криптовалутите, на социјалната мрежа Х напиша дека американската влада моментално има околу 200.000 биткоини.
Според податоците на берзата, биткоинот моментално вреди околу 87.000 долари, што значи дека вкупната проценета вредност на американските акции е околу 17,5 милијарди долари.
© Vecer.mk, правата за текстот се на редакцијата
