„Во ред, го имаме видеото на годината“, гласи коментарот во описот на видеото, кое за само неколку часа стана вирално и ја насмеа цела Србија и регионот - сето тоа благодарение на една прекрасна вљубена постара двојка, дама и господин кои веќе 70 години се кумови!
Видеото создадено како дел од анкетата спроведена од „Градске инфо“ на улиците на Нови Сад по повод 8-ми март, ги збуни дури и оние за кои е тешко да се збунат. Ако се прашувате зошто, одговорот лежи во необичниот одговор на постарата дама на прашањето „дали таа сè уште е вљубена во својот партнер“.
„Дали сте се уште заљубена во него?“ ја прашала новинарката, на што постарата дама со гордост и насмевка на лицето рекла дека е. Тогаш новинарката ја прашала колку години се во брак, но таа добила одговор кој дефинитивно не го очекувала.
okej imamo video godine ahahahaha pic.twitter.com/Wyn9PZkZZb
— ☽ (@indiferenttan) March 8, 2025
"Не сме во брак! 70 години сме кумови. Ја крстив неговата сестра. А сега сум негов старател", рекла госпоѓата. Нејзиниот партнер брзо се надоврзал и додал:
„А јас сум удрен во главата.“
Од лицето на новинарката се гледа дека и покрај објаснувањето, таа сепак не ја разбрала целосно ситуацијата. Меѓутоа, нејзината збунетост брзо ја прекинала госпоѓата, која со насмевка додала:
„Тој господин ме изненадува секој ден.
На прашањето што прави за неа, господинот кратко и јасно додава: „Не правам ништо.“
„Дедо, трепни двапати ако те киднапирале“ е само еден од многуте коментари под објавата, која навистина нема потреба да се објаснува зошто станала вирално со брзина на светлината.
© Vecer.mk, правата за текстот се на редакцијата
