Конститутивната седница на собранието на привремените приштински институции денес беше прекината по 45-ти пат, бидејќи предлогот на Самоопределување гласањето за избор на претседател на собранието да биде тајно повторно не беше усвоен.
Демократскиот сојуз на Косово, Демократската партија на Косово, Алијансата за иднината на Косово и Српската листа ниту денес не предложија членови за комисијата за тајното гласање.
49 од 93 присутни пратеници гласаа за формирање на комисија за тајно гласање. Продолжението на седницата е закажано за 13 јули во 11 часот. Кандидат на Самоопределување за претседател на Собранието е сè уште Аљбуљена Хаџију, иако во шесте обиди за избор таа никогаш не добила повеќе од 57 гласа, а за да биде избрана се потребни 61 глас.
Самоопределувањето потоа предложи гласањето за претседател на парламентот да биде тајно, но тој предлог не беше прифатен на ниту едно од продолженијата на седницата.
На 26 јуни, Уставниот суд на Косово донесе пресуда според која пратениците се должни да ја завршат конститутивната седница најдоцна во рок од 30 дена.
Претседателката на привремените институции на Приштина, Вјоса Османи, минатата недела одржа одделни разговори со лидерите на парламентарните партии, но дури ни тоа не придонесе за отстранување на застојот во конституирањето на парламентот.
Врз основа на резултатите од изборите одржани на 9 февруари, ниедна партија нема доволно мандат сама да формира влада.
Самоопределување има 48 мандати, Демократската партија на Косово 24, Демократскиот сојуз на Косово 20, Алијансата за иднината на Косово и иницијативата Нисма осум, Српската листа девет, Партијата за слобода, правда и опстанок еден, а преостанатите 10 мандати им припаѓаат на претставници на другите немнозински заедници.
© Vecer.mk, правата за текстот се на редакцијата
