Музичарот почина само три недели откако повторно се обедини со своите колеги од бендот „Блек Сабат“ и одржа огромен проштален концерт за обожавателите.
„Немате поим како се чувствувам - ви благодарам од дното на моето срце“, им рече 76-годишникот на публиката додека се качуваше на сцената во Вила Парк - концерт на кој се собраа некои од неговите омилени изведувачи, вклучувајќи ги Металика и Ганс енд Роузис, за неговиот „последен поклон“.
Концертниот настан „Назад кон почетокот“ на „Блек Сабат“ и Ози Озборн собра огромна сума пари за добротворни цели.
Кога бендот првпат го објави големиот проштален концерт, тие открија дека сите приходи од шоуто ќе бидат донирани во добротворни цели - подеднакво поделени помеѓу „Кур Паркинсонс“, Детската болница во Бирмингем и Детската болница „Аком“.
Сега, музичкиот директор на концертот и легендата на „Рејџ Ајџин д Машин“, Том Морело, откри колку пари се собрани за овие добротворни цели преку продажба на билети за уникатниот настан и преку пренос во живо. Во вторник (8 јули), тој напиша на Инстаграм дека „над 190 милиони долари ќе бидат донирани во домови за деца и болници“. Морело додаде во описот: „Собравме огромна сума за голема кауза, а толку многу одлични музичари, бендови и обожаватели ширум светот му оддадоа почит на НАЈГОЛЕМИОТ на сите времиња“.
© Vecer.mk, правата за текстот се на редакцијата
