Четворица лица загинаа, а 14 други се повредени во вооружен напад што се случи пред ноќниот клуб Artis Lounge во Чикаго, според информациите од полицијата. Инцидентот се случил околу 23 часот, кога темно возило од типот SUV се доближило до клубот на авенијата West Chicago, а тројца напаѓачи од автомобилот отвориле оган кон луѓето кои се наоѓале пред влезот.
Меѓу настраданите има двајца мажи на возраст од 24 и 25 години, како и две жени. Повредените се на возраст меѓу 21 и 32 години, од кои најмалку четворица се во критична здравствена состојба.
Полицијата сè уште трага по тројцата осомничени, а досега не се извршени апсења во врска со случајот.
© Vecer.mk, правата за текстот се на редакцијата
