Американскиот претседател изрази надеж дека предложената пауза од 60 дена во борбите во Газа може да ја отвори вратата кон завршување на војната. Израелските власти, според него, веќе дале согласност, а палестинската страна одговара позитивно преку посредство на Катар и Египет. Во меѓувреме, израелскиот премиер Бенјамин Нетанјаху го посети Вашингтон и истакна блиска соработка со американската администрација.
Исто така, постои одлична можност, а можноста е да се прошири кругот на мирот, далеку над она што можевме да го замислиме претходно. Веќе го променивме лицето на Блискиот Исток и имаме шанса за уште поголеми промени во иднина за Израел и целиот Блиски Исток.
Премиерот уште еднаш ја потврди определбата на израелската влада: ослободување на сите заложници и целосно отстранување на воената и политичката сила на Хамас во Газа.
Има 20 живи заложници и 30 мртви. Решени сме да ги вратиме сите. Исто така сме решени да обезбедиме Газа никогаш повеќе да не претставува закана за Израел, што подразбира елиминирање на воената и политичка моќ на Хамас. Хамас нема да биде таму.
Според медиумите, предлогот предвидува двомесечен прекин на огнот и ослободување на околу шеесет израелски заложници заробени по нападот на 7 октомври 2023 година.
Додека траат дипломатските напори, регионалната нестабилност продолжува. Израелските сили утрово ги нападнаа позициите на Хутите во Јемен, на што следеше ракетен одговор врз израелска територија.
Ова се случува во време кога израелскиот премиер Бенјамин Нетанјаху патува во Вашингтон на разговори со претседателот Доналд Трамп. Војната меѓу Израел и Хамас, како и неодамнешните воздушни напади на САД и Израел врз нуклеарната програма на Иран, ќе бидат дел од тие дискусии. Но, и нападите врз Хутите ќе бидат точка на спор.
Експертите оценуваат дека преговорите ќе бидат исполнети со предизвици. Дел од аналитичарите се сомневаат дека прекинот на огнот ќе носи траен мир за Газа и регионот, оценувајќи дека фокусот сѐ уште е на ослободување на заложници наместо на долгорочно решение. Оптимистите, пак, сметаат дека ова може да биде почеток на поголеми дипломатски успеси.
© Vecer.mk, правата за текстот се на редакцијата
