Калас додаде дека ќе свика состанок на министрите за надворешни работи на земјите-членки на ЕУ в понеделник за „да се разговара за следните настани“.
„САД имаат моќ да ја принудат Русија сериозно да преговара. Секој договор меѓу САД и Русија мора да ги вклучи Украина и ЕУ, бидејќи станува збор за прашање на безбедност за Украина и цела Европа“, рече Калас.
Американскиот претседател Доналд Трамп планира да се сретне со рускиот претседател Владимир Путин во Алјаска в петок.
Калас рече дека „додека работиме кон одржлив и праведен мир, меѓународното право е јасно: сите привремено окупирани територии и припаѓаат на Украина“.
„Договорот не смее да обезбеди појдовна точка за понатамошна руска агресија против Украина, трансатлантската алијанса и Европа“, додаде таа.
Калас, исто така, рече дека министрите ќе разговараат за ситуацијата во Газа.
© Vecer.mk, правата за текстот се на редакцијата
