Се чини дека е готово. Како што пренесуваат медиумите во Шпанија и Англија, Дон Флорентино Перез уште сега завршил супер – трансфер. Имено за 50 милиони евра го договорил Трент Александер – Арнолд, ѕвездата на Ливерпул и репрезентацијата на Англија.
Се шпекулира дека “Редси“ одговориле позитивно на понудата на “кралевите“ и дека за нив подобро е во јануари да го пуштат за 50 милиони евра отколку во јуни, кога ќе му заврши договорот, да си оди без никаква отштета.
Тоа значи дека “кралевите“ конечно ќе добијат екстра играч на десната бековска позиција откако се виде дека Лукас Васкез ни од далеку не е класа на Дани Карвахал кој заради повреда ја заврши сезоната.
