Фудбалската јавност во Шпанија се чини дека е изненадена од веста за драконската казна за голманот на Сарагоса, Естебан Андрада, кој беше суспендиран на 13 натпревари поради физички напад врз противнички играч!
Инцидентот што го обиколи светот се случи на крајот од дербито помеѓу Уеска и Сарагоса. Андрада, кој веќе имаше жолт картон, влезе во вербален конфликт со судијата Дамас Аркедијан, а потоа го турна капитенот на Уеска, Хорхе Пулидо. Откако судијата му покажа втор жолт или црвен картон, Аргентинецот целосно „го изгуби компасот“. Тој истрча на теренот и го удри Пулидо со брутален боксерски удар во лицето.
Дисциплинската комисија беше немилосрдна. Андрада доби суспензија од 12 натпревари поради физички напад, со уште еден натпревар додаден на неговата претходна суспензија (два жолти картони). Во извештајот на судијата беше наведено дека Пулидо претрпел „хематом на левата јаболчница“, што беше клучен фактор за толку строга санкција.
sportmedia.mk
© Vecer.mk, правата за текстот се на редакцијата
