Инспекторите на Град Скопје синоќа затекнале граѓанин како фрла градежен шут и кабаст отпад околу контејнерите во Кисела Вода, создавајќи дива депонија. Од Град Скопје истакнуваат дека лицето е веќе санкционирано.
На лице место фатен како создава депонија! За секоја ваква постапка нема толеранција! Доцна вечерва, инспекторите на Град Скопје затекнаа лице како фрла градежен шут и кабаст отпад околу контејнерите во Кисела Вода, создавајќи дива депонија, инфомираше доцна синоќа градоначалникот на Град Скопје Орце Ѓорѓиевски.
Истото е веќе санкционирано.
Додека нашите екипи деноноќно работат за почист град, поединци го уништуваат сработеното и ја загадуваат околината во која сите живееме.
Таквата неодговорност нема да помине без санкција!
Јасно кажав и останувам на зборот – нулта толеранција за секој што ги претвора јавните површини во депонии и го загрозува здравјето на граѓаните.
Инспекторите се на терен 24 часа, а во тек е и постапка за поставување камери на јавни површини, за побрзо откривање и санкционирање на прекршителите.
Скопје е наш заеднички дом.
Да се однесуваме одговорно!, напиша Ѓорѓиевски на ФБ.
© Vecer.mk, правата за текстот се на редакцијата
