Далај Лама го прослави 90-тиот роденден: Илјадници гости на прославата, меѓу кои и Ричард Гир

Илјадници тибетски будисти присуствуваа на 90-тиот роденден на Далај Лама денес во индискиот хималајски град Дарамшала.

Индиски свештеници, долгогодишни следбеници, вклучувајќи го и познатиот холивудски актер Ричард Гир, и илјадници верници се собраа за да му оддадат почит на протераниот водач, почитуван како застапник на мирот.

Според Би-би-си, Гир му го честитал роденденот на Далај Лама со прегратки и порака дека Далај Лама претставува апсолутна несебичност.

Индискиот премиер Нарендра Моди му упати честитки за роденденот во неделата, нарекувајќи го „траен симбол на љубов, сочувство, трпение и морална дисциплина“.

Поранешниот американски претседател Барак Обама, исто така, испрати честитки, нарекувајќи го „најмладиот 90-годишник што го познава“ и заблагодарувајќи му се за пријателството.

Денешната церемонија го означува кулминацијата на неделата молитви за долг живот што започна во понеделникот, совпаѓајќи се со неговиот роденден според тибетскиот лунарен календар.

---

Астероид ита кон Земјата и е огромен, а неговото име звучи апокалиптично: Научниците следат уште пет вселенски џинови

Британка ја глумела својата 8-годишна ќерка на Snapchat и ИСПРАТИ ПЕДОФИЛ ВО ЗАТВОР

---

За време на прославата, Далај Лама ги увери следбениците во својата „одлична физичка состојба“ и рече дека ќе живее уште 40 години – до 130 – две децении подолго од неговото претходно предвидување.

Иако рече дека обично избегнува прослави на родендени, Далај Лама им се заблагодари на следбениците што ја искористиле можноста да размислат за душевниот мир и сочувството, нарекувајќи се себеси „едноставен будистички монах“ и велејќи дека не жали кога ќе се осврне на својот 90-годишен живот.

„Иако е важно да се работи кон материјален развој, од витално значење е да се фокусираме на постигнување мир во умот преку негување на добро срце и сочувство, не само за блиските и драгите, туку за сите“, рече тој во својата роденденска порака.

Оваа недела, Далај Лама ги потврди плановите за својот наследник, со што завршија долгогодишните шпекулации за тоа дали 600-годишната институција ќе исчезне со него.

Според тибетската будистичка традиција, Далај Лама се реинкарнира по смртта, процес длабоко вкоренет во духовната пракса, а не во политичкиот авторитет.

Далај Лама, кој живее во егзил откако избега од кинеската власт во 1959 година, претходно изјави дека неговата реинкарнација ќе се случи во „слободниот свет“, односно надвор од Кина, што Пекинг го смета за сепаратизам, отфрлајќи го неговото овластување да назначи наследник.

Кинеските власти инсистираат дека секое наследување мора да биде во согласност со кинескиот закон, религиозните ритуали и историските конвенции и на крајот мора да биде одобрено од владата во Пекинг.