Во Русија започна клиничко испитување на нова вакцина против рак. За истражувањето беа регрутирани 48 волонтери, а досега се регистрирани минимални токсични ефекти.
Дали спречувањето на ракот на овој начин сега е уште поблиску до иднината, како функционираат овие вакцини и кои се можните несакани ефекти?
„Ова се две сосема различни вакцини кои се тестираат. Вакцината Ентеромикс, онколитичката вакцина, која е направена врз основа на ентеровируси, всушност е направена и клиничките испитувања се на прагот да започнат. Таа е за сите видови рак, освен за крв, и ќе видиме што ќе покаже истражувањето“, објасни д-р Сергеј Бољевиќ, раководител на Одделот за хумана патологија на Универзитетот Сеченовски во Москва, за ТВ Прва и додаде:
„mRNA вакцината е направена врз основа на високи технологии, клиничките испитувања, односно третманот, наскоро ќе започнат. Не можеме да започнеме класични испитувања, бидејќи ова се персонализирани вакцини и тоа веќе ќе биде третман.“
„Секогаш сум скептичен кога ќе се појават вакви вести. Сепак, медицината многу напредна, а третманот значително се подобри во последните десет години. Многу земји произведуваат различни вакцини. Се надевам дека оваа вакцина ќе биде поефикасна од другите лекови што ги имаме во моментов за стимулирање на имунитетот“, објаснува онкологот Владимир Ковчин и додава:
„Како ќе бидат избрани пациентите што ќе ги примаат зависи од истражувачите. Двете вакцини имаат смисла.“
© Vecer.mk, правата за текстот се на редакцијата
