Почина поранешниот министер, амбасадор и новинар Мартин Треневски, соопшти неговото семејство.
Треневски е роден во 1949 година во Скопје и зад себе остави богата професионална кариера во новинарството, дипломатијата и државните институции.
Новинарската кариера ја започнал во Скопје, а подоцна работел во агенцијата ТАНЈУГ како дописник од Австралија и Јужниот Пацифик, каде активно ја следел македонската дијаспора. Бил и автор на повеќе публицистички дела.
По осамостојувањето на државата, Треневски беше министер за информации во првата влада на Република Македонија, а подоцна и министер во Министерството за иселеништво. Во дипломатската служба беше амбасадор во повеќе скандинавски земји, генерален конзул во Торонто и амбасадор во НАТО.
За својата работа добитник е на повеќе признанија, меѓу кои и наградата „Мито Хаџивасилев-Јасмин“. Погребот ќе се одржи утре на Градските гробишта Бутел.
© Vecer.mk, правата за текстот се на редакцијата
