Замислете да се разбудите со мирис на свежо печен леб, мек одвнатре и крцкав однадвор.
Не мора да го месите долго време или да чекате со часови – едноставен рецепт за леб што го подготвувате навечер а го ставате во рерна наутро. Совршен за оние кои сакаат вкусен леб, но немаат многу време.
Состојки:
• 500 г бело брашно
• 300 мл ладна вода
• 5 г сол
• 7 г сув квасец
• 1 лажица масло (маслиново или обично) – по желба
Начин на подготовка:
• Во голем сад, измешајте го брашното, квасецот и солта.
• Додадете ја водата и маслото, а потоа мешајте со дрвена лажица или со рацете додека не добиете убаво, малку лепливо тесто.
• Покријте го садот со фолија или крпа и оставете го во фрижидер преку ноќ (8-12 часа).
• Наутро, загрејте ја рерната на 220°C.
• Префрлете го тестото на хартија за печење, направете неколку засеци одозгора и ставете го во рерна.
• Печете 25-30 минути, додека лебот не добие златна кора. Можете да го покриете со фолија првите 10 до 15 минути за да не добие темна кора премногу брзо.
• Извадете го лебот и оставете го малку да се олади пред да го исечете.
За уште подобар вкус, можете да додадете семки: сусам, тиква или сончоглед.
© Vecer.mk, правата за текстот се на редакцијата
