Турската компанија „Џагатај Кабло“ која веќе подолго време работи во рамките на ТИРЗ Скопје 1 утре почнува изградба на нов погон, информира денеска премиерот Христијан Мицкоски.
– Компанијата ќе инвестира 6 милиони евра во проширување на своето производство со изградба на нов објект од околу 10 000 квадрати, што ќе донесе нови 200 вработувања – реле Мицкоски.
Новата фабрика, која ќе почне да се гради утре, ќе биде двојно поголема од постоечката и освен што ќе отвори нови работни места, ќе донесе и нови технологии.
Инвестиција беше најавена во јули минатата година.
„Џагатај Кабло“ произведува жици и кабли за автомобилската индустрија. Тие ги снабдуваат водечките производители на автобуси, трактори, градежни машини, камиони, комерцијални возила, климатизери, машини за чистење и специјални аеродромски возила.
© Vecer.mk, правата за текстот се на редакцијата
