Вараждинската полиција заврши со криминалистичката истрага за крвавиот инцидент што се случи минатата сабота околу 3 часот наутро во улицата „Иван Падовац“ во Вараждин.
Истрагата утврди дека двајца младичи на возраст од 20 и 18 години вербално и физички нападнале четири малолетници (двајца на 16 и двајца на 17 години). За време на турканицата, 20-годишникот паднал на земја, по што еден од 17-годишните малолетници со намера тешко да го повреди го удри со нога директно во главата. Од силниот удар 20-годишникот веднаш изгубил свест, по што екипа на Итната медицинска помош го пренесе во Општата болница во Вараждин.
По завршување на истрагата, 17-годишникот ќе биде предаден на притворскиот надзор со кривична пријава за обид за нанесување тешка телесна повреда. Против сите останати учесници во тепачката се поднесени прекршочни пријави за нарушување на јавниот ред и мир, а за случајот е известен и Хрватскиот завод за социјална работа.
© Vecer.mk, правата за текстот се на редакцијата
