Во Хрватска се појави инфекција која ги загрижи многумина, а се огласи и премиерот.
Хрватскиот премиер Андреј Пленковиќ предупреди за појавата на антракс кај добитокот, посочувајќи дека станува збор за заразна болест која се јавува кај домашните и дивите животни, но може да се пренесе и на луѓето.
Активностите поврзани со оваа болест покажаа, рече Пленковиќ на отворениот дел од седницата на Владата, дека оваа инфекција засега не е потврдена кај луѓето.
„Нема потврдени случаи на заболување кај луѓето, а ризикот по здравјето на населението е низок, благодарение на спроведувањето на сите протоколи што се во тек“, рече Пленковиќ.
Тој ја објасни важноста на вакцинацијата и комуникацијата со ветеринарната служба.
„Животните редовно се вакцинираат, а ветеринарите се информираат навремено, токму ова е клучот за спречување на ширењето на оваа болест“, рече Пленковиќ.
Тој упати посебен апел до сопствениците на добиток да се однесуваат претпазливо и одговорно, како и да соработуваат со ветеринарната служба.
Тој најави дека надлежното Министерство ќе подготви две програми за целна помош, едната за надомест на штети, а другата за обновување на добитокот.
© Vecer.mk, правата за текстот се на редакцијата
