Ана Николиќ го пријавила својот партнер во полиција и била прегледана во Институтот за итна медицина.
Пејачката претрпела физички повреди и била упатена на болничко лекување на одделот за неврологија.
Како што дознава Блиц, на Ралет Ратковиќ ѝ е изречена итна полициска мерка за насилство врз пејачката Ана Николиќ, а сега се појавија нови шокантни детали за наводната состојба на пејачката.
Ана прво отишла во полиција, каде го пријавила својот партнер, а по прегледот во Институтот за итна медицина, забележано е дека пејачката има физички повреди и е видливо вознемирена.
По прегледот, Ана итно е испратена на болничко лекување, а документите покажуваат дека Ана сè уште е Ѓуриќ (презимето на нејзиниот поранешен сопруг и колега Стефан Ѓуриќ Раста), објавува „Пинк“.
Пејачката претрпела повреди на главата и рацете, каде што има хематоми, а лекарите утврдиле дека не е сериозно загрозена.
Рале Ратковиќ е обвинет за семејно насилство
Пејачката Ана Николиќ денес претрпе физичко насилство, јавуваат српските медиуми. Таа била претепана од нејзиниот вонбрачен партнер, Горан Ратковиќ Рале. По прегледот на Одделот за итна медицина, Ана е итно упатена на болничко лекување.
Потоа на Ана Николиќ ѝ бил прикажан медицинскиот извештај, во кој се наведува дека по итна интервенција, таа е префрлена на одделот за неврологија.
„Не сакам очите да му ги видам“
Таа веднаш го пријавила случајот во полиција, а потоа се огласи за српските медиуми.
- Го оставив клучот кај него во куќата, полицијата е кај него. Не сакам да одам во таа куќа дури и да сум мртва. Повеќе не сакам очите да му ги видам. Ова е повеќе крај, го пријавив во полиција, доста е - изјави Ана Николиќ за „Хајп“.
По напуштањето на полициската станица, Горан кратко проговори за медиумите.
- Добро сум - рече Рале со „кисела“ насмевка.
- Не можам ништо да кажам, двајцата дадовме изјава - додаде Рале.
- Имаше расправија, имам забрана за пристап од 48 часа - заклучи композиторот.
© Vecer.mk, правата за текстот се на редакцијата
