Илон Маск, извршен директор на „Тесла“, неодамна ги сподели своите размислувања за верата. Гостувајќи во подкастот на Кејти Милер, Маск беше прашан дали верува во Бог.
„Па, верувам дека овој универзум настанал од нешто. Луѓето имаат различни називи за тоа“, одговори тој. На прашањето кому најмногу му се восхитува, Маск кратко изјави: „На Создателот“. Милер инсистираше: „Каков е вашиот став за Бог?“, на што технолошкиот милијардер одговори: „Бог е Создателот“. Кога повторно беше прашан дали верува во Бог, Маск го повтори својот првичен одговор.
Трамп како најдуховита личност
За време на истиот разговор, Маск откри кого го смета за најдуховитата личност што ја познава. „Претседателот Трамп е најдуховитата личност што ја познавам во реалниот живот. Има одлично чувство за хумор. Природно е духовит. Тоа му доаѓа без напор. Кога Мамдани беше во кабинетот и му рече на Мамдани да го нарече фашист, тоа беше одлично“, изјави Маск.
За секторот за ефикасност на владата
Маск се осврна и на секторот за ефикасност на владата (DOGE) – тело на администрацијата на Трамп за намалување на трошоците, кое своевремено го водел. На прашањето за неговиот успех, Маск рече дека бил „донекаде успешен“. „Бевме малку успешни“, рече тој, додавајќи: „Бевме донекаде успешни“. Исто така откри дека секторот за ефикасност на владата всушност бил „измислено име“ кое се „темелело на предлози од интернет“.
Визија за мултипланетарно човештво
Говорејќи за амбициозната мисија на SpaceX на Марс, Маск ја нагласи важноста на Starship. „Мора да биде одржливо мултипланетарен, значи не само да посетува, туку навистина да биде мултипланетарен, во смисла дека ако имате планетарна редундантност, така што ако се случи катастрофа на една од планетите, другата планета би преживеала. Starship е способен да го направи тоа за првпат во историјата, и никаква вештачка интелигенција не била користена за неговото создавање“, заклучи Маск.
© Vecer.mk, правата за текстот се на редакцијата
