Во ново интервју за „Телеграф“, тој раскажа трогателни детали од своето детство, како и болните моменти што следеле во подоцнежниот живот. Неговата мајка, Бети Сју Палмер, која почина во 2016 година, често била насилна.
„Ме тепаше со стап, со чевел, со пепелник, со телефон... не ѝ беше важно што. Но, благодарам, ме научи како да не одгледувам деца.“
Деп вели дека никогаш немал безбедност во неговиот дом.
„Мораше цело време да се кријам. Мајка ми беше непредвидлива, никогаш не знаев што ќе се случи. Психолошкото злоставување беше полошо од тепањата. Тепањата се само физичка болка. Учиш да живееш со тоа“, рече актерот.
На судењето на неговата поранешна сопруга Амбер Херд во 2022 година, тој за прв пат јавно проговори за своето детство. Во тој период, тој ја изгуби и главната улога во „Фантастични ѕверови“ откако Дизни го принуди да се откаже.
„Само ми рекоа да дадам отказ. А всушност сакаа да исчезнам. Им реков: Е*ете се. Поминав низ премногу работи за да бидам скршен сега“, беше искрен актерот.
Покрај тоа, го напуштија и тројца блиски пријатели.
„Беа на роденденските забави на моите деца, а потоа ме изневерија. Боли“, рече Деп.
Тој беше особено импресиониран од сведочењето на поранешна агентка која ја отпушти во 2016 година. На судењето, таа рекла дека тој е проблематичен бидејќи често доцни.
„Никој не може да ја процени мојата лојалност. Триесет години бев со една личност, а таа во судницата рече дека е тешко да се соработува со мене.“
Сè се смени кога тој ја тужеше Амбер Херд за клевета поради статија што таа ја објави во „Вашингтон пост“, каде што се опишала себеси како жртва на семејно насилство, и го доби случајот.
„Поротата ми го врати животот. Благодарен сум. Им должев на моите деца и на оние што ме поддржуваа да ја кажам вистината и сега сум во мир“, рече Деп.
© Vecer.mk, правата за текстот се на редакцијата
