Ќерката на Стив Џобс, Ив, се омажи за олимпискиот шампион во коњички спорт Хенри Чарлс. Се претпоставува дека целата свадба чинела 6,7 милиони долари, па затоа е меѓу најлуксузните и најгламурозните.
Како што објавува Дејли Меил, сите блескаа во прекрасни фустани и одела, додека невестата доцнеше околу половина час на самата церемонија.
Меѓу гостите беше и Џесика Спрингстин, ќерката на познатиот Брус Спрингстин.
Со оглед на тоа што самата церемонија и прослава беа организирани во мало англиско село, сè беше блокирано и „превртено наопаку“ поради познатите гости.
Црквата беше затворена три дена порано, а тоа предизвика негодување кај локалното население, но и гнев.
Ив и Чарлс официјално ја потврдија својата врска минатата година за време на Олимписките игри во Париз, каде што Хенри освои злато, а Ив го бодреше.
„Тимско злато. Многу сум горда на тебе, љубов моја“, напиша таа во описот на објавата.
Како што беше наведено претходно, двојката е во врска од 2022 година, меѓутоа, официјалниот почеток на нивната романса не е познат, тие успеаја да ја сокријат од сите.
© Vecer.mk, правата за текстот се на редакцијата
