Трагедијата се случила вчера попладне во близина на главниот град на Италија, на локален пат од Витербо до Корчеано. Бебето со брза помош било префрлено со хеликоптер во детска болница во Рим, а лекарите се борат за нејзиниот живот, објави ТГ24.
Бебето било во автомобилот со нејзината мајка и петгодишниот брат. Мајката рекла дека постариот син го откопчал безбедносниот појас на бебето додека таа возела, а потоа ја отворил задната врата од автомобилот и бебето испаднало!
Мајката веднаш закочила, го зграпчила бебето и се упатила кон болницата Санта Роса со крвавото дете во рацете, каде што ѝ биле дијагностицирани сериозни повреди. Лекарите од Рим набрзо пристигнале и го префрлиле бебето со хеликоптер во болницата Гемели.
Полицијата се упатила кон болницата и ја испрашала мајката, за која се верува дека ја кажала вистината и дека бебето е повредено од несреќен сплет на околности. Момчето (5) останало во возилото и било неповредено.
Видливо потресената мајка им кажала на истражителите дека не го видела моментот кога нејзиниот постар син го откопчал детскиот сигурносен појас и дека сфатила што се случило дури кога забележала дека задната врата од автомобилот е отворена.
Немала време ниту да застане, а во ретровизорот го видела своето бебе како паѓа од возилото, кое сè уште се движело.
Се верува дека бебето паднало право на глава. Го донела детето во болница во несвест. Лекарите не се подготвени да дадат никаква прогноза.
© Vecer.mk, правата за текстот се на редакцијата
