Во Киев, утрово беше убиен полковникот Иван Воронич, значаен претставник на Украинската служба за безбедност. Тој беше застрелан додека ја преминувал улицата, а според информациите, убиството го забележале и безбедносните камери.
Нападот се случил околу девет часот наутро, кога вооружен напаѓач облечен во црна облека се приближил кон Воронич и испукал пет истрели од огнено оружје.
Безбедносната служба потврди дека е покрената кривична постапка и дека трагедијата се случила во областа Голосеев на главниот град.
„Службата за безбедност и Националната полиција преземаат сеопфатни мерки за разјаснување на сите околности на злосторството и изведување на сторителите пред лицето на правдата“, е наведено во официјалното соопштение.
© Vecer.mk, правата за текстот се на редакцијата
