Туск предупреди дека иако решението за војната во Украина можеби се приближува, Русија прави сè што може за да посее раздор меѓу Киев и Варшава.
Во остра порака, Туск нагласи: „Антиполските гестови на Украинците и поттикнувањето антиукраински чувства во Полска се сценарио на Путин, оркестрирано од странски агенти и локални идиоти. Секогаш исто.“
Од почетокот на руската инвазија во 2022 година, Полска е еден од најважните и најверни сојузници на Украина. Сепак, неодамна расте заморот кај дел од полското население поради големиот број бегалци од соседната земја разорена од војна.
Овие тензии кулминираа со неодамнешен инцидент. На 9 август, најмалку 57 украински државјани наводно биле уапсени и депортирани во Варшава откако избувнале немири на концерт на белоруски рапер.
© Vecer.mk, правата за текстот се на редакцијата
