Сенаторот Берни Сандерс (независен, Вермонт) јавно го осуди израелскиот премиер Бенјамин Нетанјаху поради неговото негирање на извештаите за глад во Газа, кој трае откако Израел започна воена офанзива против Хамас.
Израелското Министерство за надворешни работи објави дека од недела борбените дејствија во цивилните зони се прекинати со цел преку хуманитарни коридори Палестинците конечно да добијат неопходни прехранбени намирници. Израел исто така започна и со воздушно доставување храна во Газа.
Кога во неделата пристигна првата помош, Нетанјаху тврдеше дека во Газа нема гладни луѓе. Сенаторот Сандерс се појави на CNN, каде што го обвини Нетанјаху дека лаже.
Секако дека Нетанјаху лаже. Тој е навистина одвратен лажго.
„Израел имаше право да се брани од нападот на Хамас, но сите веќе сфаќаат дека во изминатите две и пол години таму се води жестока и речиси незапамтена војна, не само против Хамас, туку и против палестинскиот народ во целина,“ додаде Сандерс.
Дури и поранешниот американски претседател Доналд Трамп јавно се спротивстави на Нетанјаху, откако тој го нарече тврдењето за глад во Газа „очигледна лага“.
Ваквата усогласеност на ставовите меѓу републиканскиот претседател и независниот сенатор е навистина ретка.
Мој главен приоритет е да се нахранат луѓето. Во моментов, тоа е на прво место – има многу луѓе кои гладуваат. Можеме да спасиме многумина. Ова е вистински глад. Тоа се гледа, и не може да се лажира.
Отстапките на Израел за отворање на хуманитарни коридори доаѓаат во момент кога Министерството за здравство во Газа, контролирано од Хамас, пријавува смртни случаи како последица на глад и метеж при распределба на помошта.
© Vecer.mk, правата за текстот се на редакцијата
