Русија во понеделникот ноќта изврши напад со дронови и ракети врз украинска болница и затвор, при што загинаа најмалку 21 лице, а 80 беа повредени.
Според Associated Press, рускиот напад на Украина вклучуваше две балистички ракети Искандер-М и 37 дронови од типот Шахед. Воздушните сили на Украина соопштија дека пресретнале 32 дронови. Ракетите и дроновите ја погодија Биленковската казнено-поправна установа, уништувајќи дел од објектите, вклучително и трпезаријата.
Според објавени информации, ниту еден затвореник не успеал да избега по нападот.
Украинскиот претседател Володимир Зеленски ги коментираше нападите во објава на платформата X.
Досега е познато дека во само еден изминат ден – кога повторно имаше надеж дека убиствата ќе запрат – руската армија уби 22 лица во Украина. Моето сочувство до нивните семејства и најблиски. Уште 85 лица беа ранети. Вкупно 73 украински градови и села беа подложени на руски напади.
„Во 2 часот по полноќ, Русите извршија ракетен напад врз градската болница во Камјанске,“ додаде Зеленски. „Во нападот загинаа три лица, меѓу нив и бремена жена, Дијана, која имаше само 23 години.“
Руските напади погодиле и други делови на Украина, меѓу кои и медицинска установа и трикатна зграда во градот Камјанске, информираше AP. Болницата имала и родилно одделение. Во истиот напад загинале две лица, а пет биле ранети, при што една од нив е уште една бремена жена.
Други напади со дронови се пријавени во градот Синелниковски и општината Великомихајловска. При тоа, 75-годишна жена загинала, а 68-годишен маж бил повреден.
Зеленски ги осуди нападите и остро ја критикуваше Русија за продолжување на офанзивите кои земаат невини жртви.
Касно вчера, близу полноќ, руската авијација фрли бомби во кругот на казнено-поправната колонија во Запорожје. Тоа беше намерен напад, не случаен. Русите знаеле дека гаѓаат цивили. Многу загинале, а уште 43 лица се повредени, некои тешко. Ова се случи откако светот јасно порача дека Русија мора да ја прекине војната.
Секоја жртва, секој напад од Русија – токму сега, кога одамна можеше да има прекин на огнот ако не беше руското одбивање – сето тоа докажува дека Москва заслужува навистина остри, болни и праведни санкции. Русија мора да биде принудена да престане со убиствата и да донесе мир.
Нападите се случија само неколку часа откако американскиот претседател Доналд Трамп во понеделникот во Шкотска соопшти дека ја скратува својата претходно поставена рок од 50 дена за рускиот претседател Владимир Путин да прекине со нападите и да се согласи на мировен договор со Украина. Трамп изјави дека го смалува рокот откако Путин одлучи да продолжи со бомбардирање, наместо со искрени разговори за мир. Тој изрази и разочарување од рускиот лидер.
Трамп го скрати рускиот рок за мир со Украина
Разочаран сум од претседателот Путин.
Ќе го намалам тој рок од 50 дена што му го дадов, затоа што мислам дека веќе знам каков ќе биде исходот.
© Vecer.mk, правата за текстот се на редакцијата
