ОН: За повеќе од еден месец речиси 800 луѓе загинале во Газа, обидувајќи се да дојдат до помош

Портпаролката на Високиот комесаријат на ОН за човекови права изјави во Женева дека од 27 мај, кога почнале операциите на ГХФ, до 7 јули се регистрирани 798 загинати лица, од кои 615 на локациите на оваа хуманитарна фондација.

ГХФ, чија цел е да ги заобиколи ОН, дистрибуира помош на четири локации опкружени со израелски трупи.

ОН и хуманитарните групи го отфрлија системот на ГХФ, наведувајќи дека тој му овозможува на Израел да ја користи храната како оружје, ги крши хуманитарните принципи и не е ефикасен. Израел тврди дека Хамас ја злоупотребувал помошта што ја доставувале ОН, што ОН го негираат.