Премиерот на Израел, Бенјамин Нетанјаху, замина за САД, каде што ќе се сретне со американскиот претседател Доналд Трамп поради нов обид за постигнување прекин на огнот во Газа.
На аеродромот Бен Гурион, Нетанјаху изјави дека е уверен дека Трамп може да придонесе за напредок на обидите за постигнување примирје, оценувајќи го како еден од најголемите сојузници на Израел во Белата куќа. Нетанјаху нагласи дека соработката меѓу двете држави резултираше со значајна победа против заедничкиот противник, Иран.
Според предлогот кој ќе биде тема на разговорите, се предвидува 60-дневен прекин на огнот, делумно ослободување на заложници и зголемена хуманитарна помош за Газа, со можност за понатамошни преговори за конечно завршување на 21-месечниот конфликт.
Нетанјаху истакна дека израелската влада останува решена да ги врати сите заложници и да ја неутрализира воената и политичката инфраструктура на Хамас.
© Vecer.mk, правата за текстот се на редакцијата
