Атентатот се случи на 7 јуни на предизборен митинг, кога напаѓач го застрела Урибе во главата одзади.
Моментот на атентатот беше јасно снимен во видеата што во тоа време беа дистрибуирани на социјалните мрежи.
JUST IN - Colombian Presidential Candidate Miguel Uribe in critical condition with reported head wound following assassination attempt.pic.twitter.com/lDEiiv85Fz
— Disclose.tv (@disclosetv) June 8, 2025
Малолетниот напаѓач бил уапсен кратко откако испукал најмалку три куршуми во правец на Урибе.
Младиот политичар веднаш е однесен во болница, каде што бил опериран поради тешко крварење во мозокот. Од атентатот до последниот ден, лекарите изјавија дека е во критична состојба. Денеска беше објавено дека им подлегнал на повредите.
Неговата сопруга, Марија, ја потврди веста за неговата смрт на социјалните мрежи.
„Секогаш ќе бидеш љубовта на мојот живот. Ти благодарам за живот полн со љубов. Почивај во мир, љубов на мојот живот. Ќе се грижам за нашите деца“, напиша Марија Клаудија Тарасона на својот Инстаграм профил. Да потсетиме, Мигел Урибе беше член на десничарскиот Демократски центар и жесток критичар на претседателот Густаво Педро. Тој се сметаше за еден од главните фаворити на опозицијата на изборите закажани за 2026 година.
© Vecer.mk, правата за текстот се на редакцијата
