Украина беше цел на најинтензивниот воздушен напад досега, според претседателот Володимир Зеленски. Во нападот биле употребени 728 беспилотни летала и 13 крстосувачки или балистички ракети, кои во неколку бранови ја погодија државата.
Зеленски го осуди дејствувањето, истакнувајќи: „Ова се случува додека вложуваме огромни напори за постигнување мир, додека Русија упорно ги одбива таквите обиди.“
Инцидентите уследија веднаш по објавата на американскиот претседател Доналд Трамп дека САД ќе испратат воена помош за Украина – спротивно на претходната одлука, која привремено ја прекина поддршката, нешто што, според американски медиуми, му било непознато на Трамп.
Иако во минатото Трамп често го пофалуваше рускиот лидер, овој пат отворено го изрази своето разочарување од неговото постапување.
„Нашата одлука е да испратиме оружје за одбрана, бидејќи Путин не се однесува со луѓето како што треба, преголем број човечки животи се изгубени. Затоа ќе обезбедиме одбранбена опрема за Украина, а јас дадов дозвола за тоа. Морам да бидам искрен – Путин говори многу невистини! Ако сакате да знаете… Беше љубезен со нашата страна, но сето тоа се покажа како без вредност.“
© Vecer.mk, правата за текстот се на редакцијата
