Хезболах нема намера да се откаже од оружјето додека Израел не изврши целосно повлекување од јужен Либан и не ги запре своите воздушни напади, изјави лидерот на движењето Наим Касем.
Отпорот е нужен за заштита на нашиот народ од нападите на Израел. Нема да се разоружаме додека не престане агресијата и не се заштитат либанските граѓани.
Оваа година, чествувањето на шиитскиот празник Ашура се одвива под сенката на неодамнешните судири меѓу Хезболах и Израел, кои беа прекинати по американско посредување во ноември минатата година.
Во текот на конфликтот, израелските сили уништија дел од вооружувањето на Хезболах и го загубија неговиот поранешен водач Хасан Насрала.
И покрај прекинот на огнот, Израел сѐ уште контролира неколку стратешки точки долж границата со Либан и продолжува со речиси секојдневни воздушни напади. Според податоците на либанското Министерство за здравство, од почетокот на војната животот го загубиле околу 250 лица, а за време на судирите бројот на загинати надмина 4.000.
Оваа изјава на Касем доаѓа во пресрет на посетата на американскиот претставник Том Барак, кој треба да ја претстави иницијативата за разоружување на Хезболах и целосно повлекување на израелските сили од регионот.
Либан се соочува со историска можност да ги надмине сектарските поделби и да постигне единство – да биде една земја со еден народ и една армија.
© Vecer.mk, правата за текстот се на редакцијата
