Движењето Хамас, според извори, дало позитивен одговор на предлогот за прекин на огнот во Газа, кој го посредуваа Соединетите Американски Држави.
Оваа недела, претседателот Доналд Трамп соопшти дека Израел ги прифатил условите за постигнување 60-дневен прекин на огнот во Газа. Тој нагласи дека за времетраењето на прекинот, сите страни ќе соработуваат за да ставaт крај на повеќегодишната војна меѓу Израел и Хамас.
Катарците и Египќаните, кои вложија многу напори за мир, ќе ја достават конечната понуда. Се надевам, за доброто на Блискиот Исток, дека Хамас ќе ја прифати зделката, бидејќи нема да добие подобра — само полоша.
Претставник на Хамас информира дека нивниот одговор на прекинот на огнот е доставен до посредниците во Катар и Египет. Палестински официјален извор близок до преговорите изјави за Reuters: “Одговорот на Хамас е позитивен, и верувам дека ќе помогне во постигнување на договор.”
Клучен услов во предлогот за примирје е целосно ослободување на сите израелски заложници во Газа, од кои според проценките, 20 се сè уште живи.
Израелскиот премиер Бенјамин Нетанјаху се очекува да се сретне со Трамп во Вашингтон во понеделник. Трамп најави дека ќе биде „многу одлучен“ пред Нетанјаху околу неопходноста од прекин на огнот во Газа.
Трамп: Израел се согласил на условите за 60-дневен прекин на огнот во Газа
„Се надеваме дека тоа ќе се случи. Очекуваме оваа недела да стане реалност“, изјави Трамп за новинарите претходно оваа недела. „Нашата главна цел е да ги ослободиме заложниците.“
Доколку се постигне договор, ова ќе биде трета примирка од почетокот на војната.
© Vecer.mk, правата за текстот се на редакцијата
