Амбасадорот на САД во Израел, Мајк Хакаби, остро ја критикуваше неодамнешната одлука на Франција да ја признае палестинската држава, споредувајќи го овој потег со „давање победа на нацистите по Втората светска војна“.
Хакаби смета дека признавањето на палестинската држава само ќе го мотивира радикалното движење Хамас кое контролира делови од Газа. "Ова е штетно и за мировниот процес и за сегашната ситуација во Газа," изјави тој во гостување на Fox News на емисијата America’s Newsroom.
Ова само ги охрабрува Хамас да се чувствуваат како да имаат реална можност за победа. Слично е како да им беше дозволено на нацистите да ја добијат Втората светска војна. Катастрофално е и мора да престане.
"Никој не ја посакува крајот на војната повеќе од Израелците," рече Хакаби, вклучувајќи го и израелскиот премиер Бенјамин Нетанјаху.
Се очекува и Обединетото Кралство да ја следи Франција и да ја признае палестинската држава. Премиерот Кир Стармер најави дека одлуката може да биде донесена во септември, освен ако Израел не постигне одржливо примирје со Хамас.
Мајк Хакаби и во минатото повеќепати ја отфрлаше идејата за решение со две држави како начин за надминување на конфликтот на Блискиот Исток.
Признавањето на независна палестинска држава е непромислен чекор што само ги уназадува шансите дека Хамас некогаш ќе се откаже. Наместо тоа, Франција и Велика Британија би требало да отворат границите и да помогнат во доставата на храна на цивилите во Газа.
Иако Хакаби го потенцираше недостигот на хуманитарска помош во Појасот на Газа, Франција веќе вети дека ќе ја поддржи дистрибуцијата на храна и организира воздушен дроп во наредните денови.
© Vecer.mk, правата за текстот се на редакцијата
