Според информациите од Исландската метеоролошка служба, ова е деветта ерупција во тој регион од крајот на 2023 година.
Евакуирана туристичката дестинација Сина лагуна
Фотографиите објавени од Министерството за јавна безбедност на Исланд покажуваат лава и чад што се издигаат од пукнатина во близина на Гриндавик, рибарско село кое во последните месеци има повторена вулканска активност, објави ABC News.
A volcanic eruption in southwestern Iceland has once again forced the evacuation of tourists at the internationally known Blue Lagoon geothermal spa.
— ABC News (@ABC) July 16, 2025
Read more: https://t.co/3Y1SePLwSX pic.twitter.com/ahVAhmC7uE
Државниот радиодифузен сервис RUV објави дека жителите на Гриндавик се евакуирани, како и гостите и персоналот од Сината лагуна, една од најпопуларните туристички дестинации во Исланд.
Евакуациите се спроведени како мерка на претпазливост поради можното ширење на лава и токсични гасови.
Властите предупредија дека условите околу вулканот се опасни и дека може да се случат дополнителни ерупции. Нема информации за повредени.
© Vecer.mk, правата за текстот се на редакцијата
