Ерик, кој е извршен потпретседател на Организацијата Трамп, изјави за Фајненшл тајмс дека „патот до Белата куќа би бил лесен“ доколку одлучи да ги следи стапките на својот татко, објавува Гардијан.
- Вистинското прашање е: „Дали сакате да ги вклучите другите членови на семејството во тоа? ... Дали сакам моите деца да поминат низ истото низ што поминав јас во последните 10 години?“ - нагласи тој.
Ерик Трамп додаде дека ако одговорот е да, верува дека политичкиот пат би бил лесен.
- Мислам, мислам дека би можел да го направам тоа. И, патем, мислам дека и другите членови на нашето семејство би можеле да го направат тоа - нагласи тој.
Ерик Трамп нагласи дека „не е целосно импресиониран од половина од политичарите“ и дека верува дека може да биде „многу ефикасен“ во политиката.
За разлика од неговите браќа и сестри, Доналд Џуниор и Иванка Трамп, 41-годишниот Ерик во голема мера се држеше подалеку од политиката, фокусирајќи се на водењето на семејниот бизнис откако неговиот татко влезе во Белата куќа во 2017 година.
© Vecer.mk, правата за текстот се на редакцијата
