Целосната имплементација на системот за влез/излез (EES) на Европската унија е одложена од април за септември 2026 година поради страв од сериозен метеж на границите во текот на летната туристичка сезона, потврди Европската комисија.
EEС почна постепено да се применува од октомври 2025 година, но на аеродромите и пристаништата веќе се појавија значителни проблеми, вклучувајќи долги редици, доцнења и пропуштени летови. Патниците од земјите надвор од ЕУ мора да оставаат биометриски податоци, што значително го зголеми времето на чекање.
Според ACI Europe, времето на обработка на патниците на некои аеродроми е зголемено и до 70 отсто, а во екстремни случаи и до три часа. Аеродромот во Лисабон во декември привремено го суспендираше EEС поради чекања до седум часа.
Европската комисија соопшти дека одложувањето ќе им овозможи на земјите-членки поголема флексибилност, а во меѓувреме патниците и натаму ќе добиваат печати во пасошите.
© Vecer.mk, правата за текстот се на редакцијата
