Патнички авион „Боинг 767“ на „Делта ерлајнс“ со 226 патници и 9 членови на екипажот се запали во петокот кратко по полетувањето од меѓународниот аеродром во Лос Анџелес.
Видео кое се појави на социјалните мрежи го прикажува моментот кога левиот мотор на авионот се запали, предизвикувајќи загриженост и драма во воздухот.
A Delta Air Lines flight bound for Atlanta made an emergency landing Friday at LAX after a reported engine fire, officials said.
— Breaking Aviation News & Videos (@aviationbrk) July 19, 2025
The Boeing 767 engine caught fire shortly after takeoff around 2 p.m. Video from the ground captured the flames coming out from one of the engines.… pic.twitter.com/fm8ilJtzrk
Авионот безбедно се врати на пистата
Веднаш откако го забележаа дефектот, пилотите го вратија авионот назад и безбедно го слетаа на аеродромот за поаѓање. „Делта ерлајнс“ објави дека пожарот е изгаснат пред слетувањето и дека авионот се упатил кон портата, по што сите патници безбедно го напуштиле авионот.
Истрагата е во тек
Како мерка на претпазливост, противпожарните служби извршија детален преглед на авионот, додека во тек е истрага за да се утврди причината за дефектот на моторот. Компанијата изјави дека патниците биле префрлени со друг лет до нивната крајна дестинација во Атланта и се извини за непријатностите.
Овој инцидент дополнително ги покренува прашањата за безбедноста на летот и одржувањето на авионите, особено за моделите што се во флотите со години.
© Vecer.mk, правата за текстот се на редакцијата
