Маж од Кина се изјасни за виновен во американски окружен суд за шверцување на голем број желки во Хонг Конг, објави Министерството за правда на САД.
Веи Ќијанг Лин е обвинет дека шверцувал околу 850 заштитени видови желки, завиткувајќи ги во чорапи и пакувајќи ги во кутии означени како пластични играчки за животни.
Тој ги шверцувал желките помеѓу август 2023 и ноември 2024 година и бил уапсен за време на гранична контрола.
Желките се родени во САД и се сметаат за исклучително вредни, според Би-Би-Си, додавајќи дека во Кина, ваквите желки се статусен симбол.
Властите на САД ја проценуваат вкупната пазарна вредност на шверцуваните желки на околу 1,4 милиони долари.
Покрај желките, Лин шверцувал и пакети со влекачи, вклучувајќи отровни змии, преку границата.
Пресудата треба да му биде изречена во декември оваа година, а доколку биде осуден, може да се соочи со затворска казна до пет години.
© Vecer.mk, правата за текстот се на редакцијата
