Саудиската престолнина се претвора во вистинска воена зона откако јеменските бунтовници Хусти извршија нов брутален ракетен напад врз меѓународниот аеродром во Ријад. Според најновите информации, бројот на загинати се искачи на 13 лица, а новиот удар предизвика страшен пожар на Терминалот 4, дополнително ранувајќи десетици патници кои панично бегаа низ локви крв на подот.
Ракетите и пресретнатите проектили веќе со денови паѓаат врз градинки, пазари и медицински комплекси во Ријад, кој е оддалечен над 800 километри од територијата под контрола на Хустите. На дипломатите, странските студенти и вработените во финансискиот центар им е наредена итна евакуација во подземни засолништа, додека саудиските власти алармираат дека им завршуваат залихите на ракети за противвоздушна одбрана.
Мегаломанските проекти пред тотален колапс
Поради директната закана по животот, 41-годишниот престолонаследник Мохамед бин Салман со денови не е виден во јавноста и под строго обезбедување постојано се префрла од една во друга палата опремена со подземни бункери.
Оваа драматична ескалација целосно ги уништува неговите амбициозни планови вредни трилиони долари за трансформација на земјата. Поради војната и драматичниот пад на странските инвестиции, Саудиска Арабија веќе се откажа од домаќинството на Азиските зимски игри 2029 година, под знак прашалник се финансиите за Светската изложба Експо 2030 и Светското првенство во фудбал 2034, а Министерството за финансии очекува пад на БДП од 3,6 проценти за оваа година.
Трамп нуди воена помош, Саудијците бараат спасот во Пакистан
Додека американскиот претседател Доналд Трамп соопшти дека Вашингтон води разговори со Хустите, но не ја исклучува можноста за директно вклучување во воените удари заедно со Ријад, Саудиска Арабија веќе очајно бара системи за противвоздушна одбрана низ целиот свет и бара воена помош од Пакистан за да се заштити од разорните напади кои сериозно ја тресат заливската монолитност.
© Vecer.mk, правата за текстот се на редакцијата
