Според првичната проценка на јавниот радиодифузен сервис SRF, пренесена од новинските агенции, гласачите во Швајцарија со големо мнозинство го отфрлаат предложениот данок од 50 проценти на наследства над 50 милиони швајцарски франци (62 милиони долари).
Се претпоставува дека „данокот на најбогатите“ ќе биде одбиен од 79 проценти од гласачите.
Овој предлог беше инициран од младинската фракција на левичарската Социјалдемократска партија со цел да се соберат средства за проекти кои имаат за цел да го ублажат влијанието на климатските промени.
Одбивањето на предлогот беше предвидено, бидејќи во последните анкети две третини од анкетираните изразија противење кон него.
Финансиските кругови внимателно го следеа гласањето како индикатор за расположението кон прераспределбата на богатството во Швајцарија, особено по потегот на други држави, како Норвешка, да ги зголемат даноците за богатите или да размислуваат за слични мерки.
Швајцарија е дом на некои од најексклузивните градови во светот, а ефектот на незадоволството на граѓаните од животните трошоци станува сè повидлив во локалната политика.
Противниците на иницијативата, за која се гласаше денес, тврдат дека усвојувањето на таква мерка би поттикнало многу богати поединци да ја напуштат Швајцарија, што би резултирало со намалување на вкупните даночни приходи.
Швајцарската влада ги повика граѓаните да го отфрлат предлогот.
© Vecer.mk, правата за текстот се на редакцијата
