Царинската и граничната заштита на Соединетите Американски Држави објави дека САД почна со депортација на Украинци. Во официјалното соопштение беа објавени и фотографии на социјалната мрежа „X“.
Во соопштението стои:
„Подолу се прикажани фотографии од првите моменти на украинските имигранти по враќањето дома од Соединетите Американски Држави.“
На снимките се гледа како американските гранични службеници ги проверуваат документите на група мажи и жени кои биле испратени назад во Украина.
Ризик за десетици илјади Украинци
„Волстрит џурнал“ информира дека десетици илјади украински бегалци наскоро би можеле да се соочат со депортација. Тоа би се случило доколку го изгубат својот привремен хуманитарен статус.
Се наведува дека во наредните денови околу 120.000 украински државјани, кои пристигнале во Соединетите Американски Држави во последните две години, би можеле да останат без овој вид правна заштита.
Ставот на американскиот претседател за имиграција
Во извештаите се нагласува дека претседателот на Соединетите Американски Држави повеќепати го изразуваше својот став во корист на заострување на имиграциската политика. Овие изјави дополнително ги зголемија стравувањата на бегалците кои живеат во САД.
© Vecer.mk, правата за текстот се на редакцијата
