„ТОА Е ВАЖНО ЗА НАС“ - Исланд сака да склучи договор за одбрана со ЕУ до крајот на годината

Исланд ќе започне преговори за безбедносно и одбранбено партнерство со Европската Унија, изјави денес исландската премиерка Криструн Фростадотир.

Фростадотир го изјави ова на заедничка прес-конференција со претседателката на Европската комисија Урсула фон дер Лајен во Кефлавик. Исландската премиерка нагласи дека се надева дека ќе ги заврши преговорите до крајот на годината.

---

ФБИ му го врати на Мексико украдениот документ, стар 500 години- никој нема да одговара

Драма во близина на Змискиот остров: Русите изгубија борбен авион, се огласи Украина

---

„Ова е многу важно за нас да покажеме дека можеме да соработуваме кога станува збор за критична инфраструктура, цивилна заштита, секаков вид инвестиции во одбраната (во технологии со двојна употреба), а тоа вклучува и хибридни и сајбер закани“, рече таа.

Исланд е дел од Шенген зоната како една од четирите земји што не се членки на Европската Унија, а е и една од земјите основачи на НАТО алијансата во 1949 година.