Унгарскиот премиер Виктор Орбан најави дека ќе ја започне кампањата пред парламентарните избори што ќе се одржат следната година „со здрава и историски заснована самодоверба“.
Орбан рече дека неговата партија Фидес нема потреба да се сомнева во победата.
„Ќе победиме и на следните избори, тоа е планот“, рече премиерот Виктор Орбан во интервју за Kronika online, пренесува Hirado.
„Секогаш постои голема национална партија, сега тоа е Фидес, која се бори за независноста на земјата, за историската вистина, а секогаш постои сомнителна меѓународна формација платена и одржувана од странство, предводена од покраински лидери кои се обидуваат да ја преземат власта со пари и влијание од странство“, истакна унгарскиот премиер.
Тој додаде дека опозицијата е иста како што била отсекогаш, дека менува „само облека“.
„Опозицијата е опозиција, таа е таму за да ви дише во вратот, тоа е нејзина работа. Но, важно е да ви дише во вратот, односно да е зад вас, а не напред, и сè додека е така, тогаш тоа не е проблем“, рече унгарскиот премиер.
Орбан, исто така, истакна дека е премиер на Унгарија дваесет години, откако победи на пет избори - последните четири по ред.
© Vecer.mk, правата за текстот се на редакцијата
