Властите во унгарскиот главен град соопштија дека годинашната Парада на гордоста, планирана за 28 јуни, нема да се одржи поради полициска забрана.
Причината за ваквата одлука, според полицијата, е дека не може да се исклучи учество на малолетни лица во активности кои се забранети со закон. Дополнително, во соопштението се наведува дека јавниот карактер на настанот може да создаде ситуации во кои граѓани што не сакаат да учествуваат, сепак ќе бидат изложени на случувањата на Парадата.
Инаку, градските власти претходно беа планирале традиционалната манифестација како официјален настан посветен на слободата.
Во исто време, унгарскиот парламент во март усвои измена на законот што ѝ дава овластувања на полицијата да спречи вакви собири, со образложение за заштита на децата. Партијата на премиерот Виктор Орбан, Фидес, има доминантно мнозинство во парламентот што ја овозможи оваа законска промена.
© Vecer.mk, правата за текстот се на редакцијата
