Фудбалерите на Атлетико (М) синоќа во првиот меч од новата сезона во Ла Лига беа поразени на гостувањето кај Еспањол со 2:1. Тренерот на „јорганџиите“, Диего Симеоне по поразот изјави дека ова е едно големо искуство, пред се за него. Атлетико водеше со 1:0, но со пресврт домашните дојдоа до голем триумф.
„Мислам дека ова беше поучно искуство за мене. Нема да кажам сè, но она што го видов на теренот ќе биде лекција за мене. А она што го видовме беше како ги искористија своите шанси: прво од прекин, а потоа го зголемија резултатот на 2-1, што беше удар за нас и ни ги одзедоа шансите за победа или нерешен резултат. Ја контролиравме играта до 60-тата минута, а потоа Еспањол постигна добар гол од прекин. Дотогаш се одеше добро и сакавме да ставиме нови играчи. Резултатот е разочарувачки, но ќе ни помогне да се подобриме и да растеме. Отсега па натаму, ќе се фокусирам на сè што е позитивно. Ќе работиме на направените грешки“, рече тренерот на Атлетико.
