Заминувањето на Лука Модриќ во Милан односно завршувањето на договорот на Лукас Васкез, во тимот на Реал Мадрид создадоа една интересна ситуација.
Одеднаш клубот има недостаток на капитени, со оглед на фактот што двајцата гореспоменати беа со тој статус.
Па така, во новата Примера сезона Реал Мадрид ќе влезе со следните лидери. Дани Карвахал целосно се рехабилитираше од повредата на лигаментите и ќе биде првиот капитен, а зад него доаѓа Федерико Валверде. Според статусот во клубот, Тибо Куртоа заслужи да биде дел од ова друштво, а четврти капитен доколку е тоа потребно ќе биде Винициус.
