logo
logo
logo

Нејмар е херој на долгоочекуваното деби во Сантос (ВИДЕО)

Vecer | 17.07.2025

Нејмар е херој на долгоочекуваното деби во Сантос (ВИДЕО)

Голот на Нејмар му донесе на Сантос исклучително вредна победа во натпреварот против лидерот Фламенго од 14-то коло на бразилското првенство. 33-годишниот напаѓач постигна гол во 84-тата минута за 1-0.

Натпреварот ќе биде запаметен и по дебито на 17-годишниот Робињо Јуниор – син на поранешниот бразилски репрезентативец Робињо во дресот на Сантос. Талентираниот напаѓач се појави на теренот во 65-тата минута.

Како и неговиот татко, Робињо го носи дресот со број 7. Минатата година, тој го потпиша својот прв професионален договор со Сантос. Договорот е со важност до 2027 година, а клаузулата за ослободување во него е вредна 53,5 милиони долари.

„Робињо Јуниор е многу талентирано момче. Среќен сум што можам да му помогнам. Го познавам уште од дете, а сега играме заедно“, рече Нејмар по натпреварот.

На почетокот на својата кариера, Нејмар беше под закрила на Робињо, кој моментално отслужува бразилска затворска казна за силување. Сега ѕвездата на Сантос дејствува како ментор на синот на својот добар пријател.

Со победата, Сантос собра 14 бода и се искачи на 13-то место на табелата.


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk