Лука Модриќ го одигра својот последен натпревар за Реал Мадрид против Пари Сен Жермен во полуфиналето на Светското клупско првенство. Иако се надеваше на победа и пласман во финалето, 38-годишниот хрватски играч од средниот ред се емоционално се збогува. Тој после 13 историски години во редовите на „кралевите“ си оди.
Модриќ испрати трогателна порака до претседателот Флорентино Перез, неговите соиграчи и навивачите:
„Претседателот ми беше многу важен, пред сè затоа што ме донесе тука. Од тој момент, тој секогаш ми покажуваше посебна наклонетост и се однесуваше многу добро кон мене. Сега можам да го кажам тоа: се однесуваше поинаку со мене. И мислам дека го покажа тоа на мојот последен натпревар, бидејќи никогаш не го видов да плаче“, сподели Модриќ.
„Заврши еден незаборавен, славен и победнички период. Она што го доживеав ме прави уште посреќен. Сеќавањето на сè што постигнав овде ме прави многу среќен, иако сум на крајот од оваа фаза. Во Реал Мадрид пораснав како играч и како личност. Реал Мадрид ми даде сè во фудбалот и за тоа ќе бидам благодарен до крајот на животот. Секогаш ќе бидам Мадридиста“, продолжи тој.
Со 597 настапи за кралскиот клуб, Модриќ се збогува како еден од најголемите во историјата на клубот, со наследство од титули, класа и лидерство што ќе останат во сеќавањата на „Сантијаго Бернабеу“. Следната станица во неговата кариера е Милан.
🎙️🤍 @LukaModric10: “Voy a ser siempre madridista”. pic.twitter.com/1Q8Ku4A0WI
— Real Madrid C.F. (@realmadrid) July 10, 2025
🗣 Luka Modrić: “I always choose La Decima as the favourite moment. Our dynasty started there. 6 Champions League in 10 years. Incredible. The way we won, it’s what Real Madrid is. Fight until the end, never give up. And we did it. I will never forget the celebrations in Cibeles… pic.twitter.com/kTa0rf7m4O
— Madrid Xtra (@MadridXtra) July 10, 2025
